Tariq Ʃebdat, acennay ilemẓi n Tezlit Taqbaylit seg At Wizgan

TIZLIT (SIWEL) – Ulac tiγmert deg tmurt n Yiqbayliyen, ud nuruw anaẓur, dγa deg umagrad n wass-a ad nerzu srid γer temnaḍt n Buzgan deg ugezu n Tizi wezzu, i d-yefkan acennay Tareq Ʃebdat, i kecmen annar n cna n Teqbaylit akken d ilemẓi aleqqaq. Ddut-d yid-neγ ad ti-sinem ugar ilemẓi-nneγ acennay.

Tariq Ʃebdat d yiwen n yilemẓi, i refden anay n tezlit Taqbaylit, i ḥemmel aẓawan seg mi yella d agrud, yekkred s tuγac n Sliman Ʃazem, Meɛtub Lwennas, Lunis Ayt Mengelat, Yidir, d waṭas niḍen, ayen i di rennun tumert d akken d mmi-s n temnaḍt i d-yefkan itri anaẓur ameqqran Dda Mhenni Ʃemṛun bab n tezlit “Tettcekireḍ-iyi-d jeddi-k”.

Aḍebsi amenzu n Tariq yeffeγed deg useggas n 2009 γer teẓrigin Star Plus n Bgayet, deg taggara n useggas n 2016 yessufeγed yiwen n leklip umi yefka azwel “Taqacuf”, anda i yeglem tasertit n udabu s usaḍuf amaynut n tedrimt. Atan yesujud amaynut γef akken i d-yenna yezmer ad yeffeγ deg tefsut-agi.
Tariq d win icennun γef tmetti, tayri, iγeblan, tamurt, d waṭṭas n temsal. i ḥemmel daγen ad yefek tamezzuγt i uẓawan n teqbaylit, ceɛbi, atrar d win umaḍal i merra. Yecna deg xilla n tamiwin am Bgayet d Tizi wezzu d tamiwin niḍen. Yekka-d s taγect-is taleqqaqt tudrin d tsedawiyin. Yekki deg tfaskiwin d temliliyin i d-yettilin yal aseggas deg tmurt.

Afud iggerzen i yilemẓi-nneγ acennay, imi tura d akud yimeẓyanen ad ṭfen amḍiq n yimezwura i yerẓan asalu n tugdi, suffeγen-d agla-nneγ γer tafat, Taqbaylit tettkel fella-wen. Ad kfuγ s ubruy n tezlit n Yusef Abğawi anda iy-as yeqqar: … ur ntettu wid yeddren/ nḥemmliten merra s ljemla/ yak s teqbaylit i hedrenn/ nḥemmliten yiwen yiwen/ ad nzux s wayen nesɛa.

Akli Muhubi
SIWEL 031806 FEV 17