TAMURT TAQVAYLIT (SIWEL) — Akken i d-nniɣ yakan deg tɣuri n uḍris yekkan deg tezlit » Yennayer ameggaz », seg tama d aserveḥ n useggas amaynut i yigduden imaziɣen, seg tama-nniḍen d tajmilt i yimeḥvas n tikta. Tizlit, tebna ɣef yiwet n tseddart yettwacnan s 5 tutlayin ( Taqvaylit, Tacawit, Tamahaq, Tamzabt, Tacelḥit), tettcuddu gar-asen 1 n tefyirt « yennayer ameggaz » i d-yettuɣal en tal tikkelt seg tutlayt ɣer tayeḍ.
Seg yidis n uẓawan, almend n tal taseddart, sxedmeɣ iẓawanen yettwassnen deg temnaḍin timaziɣin akken mi ara nsel i tezlit, ad neddu deg uḥiḥa n yidelsan seg Ǧerǧer ar wawras syen ad nezger ar tneẓruft s Inuhaɣ, ad d-nuɣal ar Tɣerdayt seg ad nenfel s adrar n Cenwa, syen srid s Icelḥiyen deg tama n umalu.
D ugur n wakud akked yimeddukal ur iyi-d-nessaweḍ tsuqqilin, wammag ad temmed tezlit ugar, acku griɣ akken ad d-sedduɣ ccna s tmeslayin n tegzirin tiknariyin, n tegzirt n siwa akked tmeslayin n Zwaṛa d Ǧerba.
Ugar ɣef unnect-a, imi yennayer d asegrew n twacult deffir imensi n 7 isufar, tizlit d asegrew n 7 yiqvayliyen ɣef tezlit, yal wa amek i d-yerna aẓru s wayen yessen. Kkan igerdan, taqcict, tameṭṭut, argaz, zun deg tmeɣra, sya d asirem i useggas amaynut, sya d tajmilt i yimeḥvas ɣef rrant tewwura n wuzzal.
Ali Belhot
Tizlit (clip) ad tettwazuzer deg yiẓedwan imettiyen akken ad d-tșeggem tuqqna.
SIWEL 180900 JAN 21
