FRANCE (SIWEL) — Ass-a ɣef lewhi n temrilt tis 15, i d-mlalen iqbayliyen terḥa teqbaylit, deg umḍiq mi qqaren Felix Barret di temdint n Marseille. D tagmatt i d-yessawlen, d tiyita d-yefka udabu i yimeɣnasen n umussu afraniman (MAK) i ten-iḥuzan !
D asmekti n snat n tefsutin tiqbayliyen, i d tamentilt n usiwel ar unejmuƐ-agi, maca, adabu amharsan azzayri, yessaget-itent fell-aɣ. Tadyant teṭṭafar tayeḍ, deg wid yettwanɣan, ar wid yettwaḥebsen, ar wid yettwaregmen, ar wid iɣef d-serrusuyen rebrab d tugdi deg uzal qayli … Ilmeẓyen iqbayliyen, ttwaḥeqren, ttwarran di rrif di yal aḥric deg tmurt iẓuran-nsen ! Ilmezyen iqbayliyen ala inig i d asirem-nsen, imi di tmurt-nsen, ur ten-id-isaḥ wara, xas tigzi-nsen war tilas, xas ḥercen, xas meƐnen, ur tufiḍ acu zemren ad t-xedmen, imi ur telli tremmiẓt, ur yelli wayen ideg ara d-begnen iman-nsen … Ayagi akk yella-d deg wawal d-wwin yemḍebren d imeɣnasen n imussuyen yemgaraden n timunent d-yeswejden anejmuε n wass- a.
S iḥulfan d lɣiḍ meqqren i mbadalen taktiwin, wid akk d-yusan ass-a, i ibeddi ara tama n warrac n umussu Afraniman, i ibeddi ar tama n tmurt teqbaylit.
Timunent i Ugdud aqbayli
Tudert i Ugdud Aqbayli.
Tilelli – Taddukli – Tagmatt
SIWEL 031027 AVR 21
