TAMURT TAQVAYLIT (SIWEL) — Ulac ass ara iεeddin ur d-yettili ara lḥers ɣef yimeɣnasen n umussu n MAK neɣ ɣef yimunanen iqvayliyen. Adavu yeggar-d tuccar-is yal tikkelt ara iḥuss i tiyita i as-yettasen si tama n MAK.
Ameɣnas n taddart « Colonel Ɛmiruc » neɣ Riki Yeḥya Zeggan, ceyεen-as-d daɣen ijerdarmiyen n tmurt tazzayrit tamhersant akken ad iεeddi ɣur-sen deg Uqvu mebla ma tban-d kra n sebba ɣef waya. Imeɣnasen n tama-ayi n Uqvu, d wid i d-ivedden ɣer yidis n gma-tsen ur tettaǧǧan ara ad yeɣli.
Tamsalt nniḍen iɣef itezzi wawal, d tin n umeɣnas n timunent n tmurt taqvaylit Mennad d yimddukal-is; Segmi svedden anay Aqvayli deg Helwan, ttwaεussen sɣur iqeddacen udavu. Mennad d yiddukkal-is, d imeɣnasen n yiseɣ d wazal izemren ad iqavlen yal taswiεt ara asen-d-yasen. Sya ad nger tiɣri i yiqvayliyen akken ad yili useḥbiber d lemεawana gar yiqvayliyen.
Taluft n Nabil Buskin, ara iεeddin i tikkelt nniḍen deg teɣdemt tamhersant Sidi Mḥemmed di Lezzayer tamanaɣt ass 28/04/2021. I usmekti kan, Nabil Buskin yettwaṭṭef Deg wayyur iεeddan deg lezzayer tamenaɣt deg tikli n L’hirak, yella-d userreḥ-ines mi yensa yiwen yiḍ deg uxxam n temsulta.
Deg uraju ad iεawed ad iεeddi deg teɣdemt sin akka wussan ɣer sdat.
Adavu amhersan, ɣas ma yettidir di texnanasin, imeɣnasen zeddigit am udfel, lebɣi n yimeɣnasen i sεan i tmunent n tmurt Taqvaylit yugar lḥers-nwen.
SIWEL 262140 AVR 21