TIZI WEZZU (SIWEL) — Xas ulamma yella-d lḥeṛṣ d ameqran ɣef yimeɣnassin d tmeɣnassin n umussu n ufraniman n tmurt Taqbaylit, aladɣa imi iεeggalen n laman n tesdawit n Dda Lmulud at Mεemmeṛ d wid yefkan affus, imi ǧǧan iɣallen n laman d yisardassen kecmen ɣer daxel n tseddawit, wigi d wid yerran iman-nsen d isdawanen, neɣ d inelmaden. S tayri nni Teqbaylit, d nnif n yimeɣnassen d tmeɣnassin, ur ssusmen ara i lbaṭel-agi imi imsulta-agi s yiselsa n yiεeggalen n laman n tseddawit, refden iεekkzan n wuzzal, d lemwas akken ad wwten neɣ ad ssigden izemawen i d-tṛebba Teqbaylit.

D awezɣi imeɣnassen d tmzɣnassin ad ssusmen, heggan iman-nsen akken i iwata i tyitiwin yecban tigi, imi snen annar, snen tikerkas n udabu, fdɣen-d affus deg uffus, d yiwet n tfekka, dduklen d yiqbayliyen i ten-yettraǧun beṛṛa n tseddawit, ddan d yiwen uḍaṛ, refden yiwen uffus, ssuɣen s yiwet n taɣect  » Timunent i Teqbaylit  ». Adabu amharsan azdayri ihegga-d iεeggalen d yiḍan n wer laman, d wid i yewweten timeɣnassin d yimeɣnassen, ɣer taggara d nutni i yeččan tɣṛit, rewlen, ǧǧan abrid ad εeddin yiqbayliyen d teqbayliyin-nneɣ ifassen ur kkaten ara, iḍaṛṛen ur rewwelen ara, ifassen d ilemawen, iqerray d wullawen d Taqbaylit i ččuren.

Ma neddukel s Leqbayel, idurar ad rmimzen.

Tikli mazal ur tfukk ara, si tiremt ɣer tayeḍ, ad awen-d-nernu s kra n yisalli yellan.

Qqimet yid-nneɣ.

SIWEL 201415 AVR 21