TAMURT TAQVAYLIT (SIWEL) — Nurdin Ayet Ḥemmuda mmi-s umeɣras ameqqran Ɛmiruc, d win i d-ixedmen ahetwir taggara-ayi ladɣa deg uẓeṭṭa ametti seg mi i d-iεedda di tiliẓri tazzayrit El Ḥayet anda i d-imeslay ɣef umuzruy yecvan « Ɛebd lqader » i d-yenna d lxayen ameqqran n tmurt yerna yesenz Lezzayer i Fransa, akken daɣen i d-yehder ɣef Messali Lḥaǧ akked uselway aqdim n lezzayer Hewari Bumedyen, yenna-d belli ulac kra ixedmen i lfayda i tmurt.
Deg tirza Nurdin Ayet Ḥemmuda ɣer Bakaru iḍellu 26/06/2021 deg usarag i yexdem di tama usamar n Vgayet, Nurdin yerna ihḍer-d ɣef waṭas n wudmawen yecvan Iben Badis, imeslay-d daɣen fell-as belli d win yefkan afud i tesnslemt d tiεurevt deg wakal n tmazɣa. Anect-a dayen i d-isersen lɣiḍ ɣef udavu amhersan imi icemmet wid yeḥsev d irgazen yerna yewwi-d tidet ɣef wudmawen-a i rran d irgazen ur wwiḍen.
Deg uvrid n Tuɣalin-ines imi ifuk usarag, yettwaṭṭef di tama n Ticci. Ass-a, iεedda di teɣdemt n Lezzayer, tameddit n wass-a, ḥekmen fell-as s lḥevs leεṭil ɣef wayen i d-imeslay, sbuben-as belli d win yekkaten akken ad izraε cwal s imeslayen-is d tmurt.
Amussu n ufraniman MAK, d win ivedden ɣer tama n tidet ɣef umuzruy i d-yenna Nurdin Ayet Ḥemmuda d yiveddi ɣer akk yimeḥvas n tikti d wid akk yettidiren ddaw lḥers udavu amhersan.
SIWEL 272356 JUI 21