TAMURT TAQVAYLIT (SIWEL) — D agerruj i d-ixulef urgaz bu tissas. Ass-a, ula yiwen ur yezmir ad yezgel ayen i d-yeǧǧa. Γas ma yella lmut tewwi tafekka-s, maca cfawat-is qqimrnt-d i lebda. D ayen i d-tessers Teqbaylit ɣef yal aεeggal-is ad ikemmel abrid-is.

Amek ara nkemmel deg ubrid-is? Amek ara as-netr tajmilt i yuklal? Send ad nerr ɣef sin yisteqsiyen-agi, ilaq af nẓeṛ d acu i aɣ-yeggunin ɣer-s, d acu mazal ur yettwaxdam ara ar tura?

Ihi abrid mazal ɣezzif, yessutur deg-nneɣ leqdic zeddigen, beṛṛa n umnar n cwal d wayen yetthuddun ifadden, yefren udem n talwit d tdukli-nneɣ yessergigiyen iεdawen.

Di tudert-is yakan yeqqar-d :  » Nekk am tṛemmant yeldin, tezmer ad teṭṭerḍeq ɣer wudem n win ara yesrewten deg wayla-w! « .

Ayen i d-yeqqimen ass-a d tamedyazt-is, s yimeslayen-is yeqqazen. Ur yezmir yiwen ad ten-yesseqdec i wayen nniḍen? Ladɣa i tektiwin yessawalen ɣer beṭṭu d cwal ger watmaten.

Teɣzi n tudert-is yerra-tt i usnerni n yidles Amaziɣ-is d tmagit-is Taqbaylit. Yeggra-d deg wullawen n waṭas n yimdanen deg umaḍal, ladɣa di tmura n Tmazɣa n Tefriqt n Ugaffa yedduklen i yellan lebda d assirem-is.

Mi negza amennuɣ-is, ḥala mi t-negza, ad d-nerr s lexbeṛ acimmi i yuɣal d azamul n tdukli n yiɣerfan imaziɣen d yizerfan n umdan s umata.

Sgunfu di talwit a yizem n Ǧerǧer, ha-t-an ula d tin i aɣ-d-teǧǧiḍ d rriḥa-k tkemmel ɣer yidisan-ik am wakken i tettili, iziɣeṛ-is di talwit. D awezɣi ad nezgel ula d awal seg wayen akk i tecniḍ, i turiḍ d wayen akk i d-tenniḍ, deg ubrid-ik ara neddu a yizem n Teqbaylit, d awezɣi ad nezgel ayen i d-tenniḍ, imi ass-a neṣṣaweḍ ɣer usenfaṛ n timunent n tmurt-nneɣ Taqbaylit am wakken i tecniḍ di tezlatin-ik tineggura :  » Ddwa-s ad ncerreg tamurt…  » send adabu arebrab azdayri ad ak-yeɣder s ṛṣas n yiḍan-is.

Sgunfu di talwit a win ulac-it yella.

SIWEL 252240 JUI 21