1- Asali d walluy n wanay aqbayli ucbiḥ deg tmanaɣin d temdinin n ddunit ideg ttidiren yeqbaylin, ama deg Tmurt ama baṛṛa (deg tminegt). Ared yali, yarnu yessiwen ugar, s lebɣi n Bab igenwan, yekk-d nnig n wid akw ur s-ngi azal.
2- Tiddin akken iwata n tmesbanniyin n 20 yebrir 2965 Cq. (2015) yezrin, i d-ibeggnen d akken Aɣref Aqbayli iruḥ am akken yemdekwal-ed, yuki-d, yeddukel, yesdukkel iɣallen-is i umennuɣ ɣef tlelli ines. Aya d tbut d akken ayen akkw i txeddmeḍ, ayen akw i tmegreḍ deg wurti n umennuɣ aɣelnaw, acḥal d iseggasen aya, ilmend n weflali n teqbaylit d weɣref aqbayli yefka-d ass-a ṣṣaba-as. Ad tefti ugar ar zdat !

D tidett a Mass Aselway, aya irkwelli d ayen yessefraḥen ayendin, imi, akken teqqareḍ deg usefru inek, abrid n "tlelli i Teqbaylit" , ass-a yettwaṛṛez-as usalu, inǧer-ed, yeddez, yebrez. Henneɣ-k ihi ayendin s waya a Mass Aselway n Unabad aqbayli am akken i henneɣ si tama nniḍen Mass Buɛziz, aselway n umussu MAK, d tagucrart n Umennuɣ Aɣelnaw ilmend n tlelli n Tmurt Taqbaylit.

A wer yaf uɣilif n ucukku tasga deg wulawen nnaɣ, yernu-yaneɣ tazmert i usiweḍ n tikli i d-nger akken deg tdukli d tegmatt yeftin.

Seg tama-w, aqel-yi-n zgiɣ yidwen, ar tuyat nwen, s ijufaṛ-nwen s lferḥ d ameqwran, annect ilat, i d-yeččuren ul-iw, imi tebda ala d-tettifrir ciṭ ciṭ, yessiweḍ-aɣ Weḥnin ar tifrat n umennuɣ nnaɣ, s laden-is !
Ǧǧiɣ-ak talwit, d lehna tafeḍ-tt !

Ttsellim ayendin ɣef watmaten d yemdukkal nnaɣ yesteqsayen felli, ama deg tilawt, ama deg uẓeṭṭa imetti n INTERNET (FACEBOOK) i ǧǧiɣ taggara-yagi,ttak-asen i yemrawen-ik azul ameqran s ɣur-i.
Ar timlilit.
Gma-k, Dahmane At Ali.
D@A.
Pisa, Ṭelyan.