TAMURT TAQVAYLIT (SIWEL) — Aγref yedduklen ur t-yettruẓ yiwen. S yiwet n taγect ad d-nsuγ ass n 20 Yevrir : nnig teqvaylit, ddaw teqvaylit, leqrar-is d-taqvaylit.
Meskud tiqvayliyin d yiqvayliyen ur d-rran awal s teqvaylit i teγri n teqvaylit , ur zmiren ara ad ilin d ilelliyen. Tilelli tevna γef yiseγ. Iseγ icud γer tnekkit. Tinekkit ma tezleg, iswi yezleg, amennuγ yeffeγ i wevrid n tidet. Anda ulac tidet, ulac tadukli. Anda ulac tadukli ulac tilelli. Anda ulac tilelli, tudert ur tettili.
Taqvaylit d azekka , tizzayrit d aẓekka. Nukni nefren tudert. Tudert d-tilelli. Tilelli d-taqvaylit.
20 yevrir ad yili d ass n teqvaylit. Xas ma yeddem di ccaw isem n “Tefsut Imaziγen” , adif-is d aqvayli. Afus deg-ufus akken targit taqvyalit ad d-tarew tafsut taqvalit. Tafsut taqvaylit i teqvaylit: d awal n tafat izuzufen tillas, d awal n tidet isefḍen tikerkas, d awal n tezdeg yernan axnanas, d awal n tlelli yessedramen amesvaṭli.
Aγref yedduklen ur t-yettruẓ yiwen. S yiwet n taγect ad d-nsuγ ass n 20 Yevrir : nnig teqvaylit, ddaw teqvaylit, leqrar-is d-taqvaylit.
Ekker ay aγlan aqvayli. Avrid-ik d win n-tlelli. Afud-ik d-tadukli. Azekka-k d awanek aqvayli.
SIWEL 011142 AVR 16
