Malek Mennic amaru, amazrag n Teqbaylit seg Yimceddalen – Tubirett

IDLES – (SIWEL) – Tamurt n Yiqbayliyen d tin i d-yefkan aṭas n yimyura i yessulin azal-is, cebbḥen tutlayt-is, gar yirgazen-a γef wacu ara-d-meslayeγ deg umagrad n wass-a d Malek Mennic, i d-tefka temnaḍt n Yimceddalen seg ugezdu n Tubirett, d amaru, d amsizreg, yufrar-d gar terbaɛt tamenzut n yiselmaden n tmaziγt, ddut-d yid-neγ ad tesɛum tikti fella-s.

Malek Mennic d win i d yusan γer tudert deg n as 27 deg ayyur n yulyu aseggas 1963 deg Yimceddalen agezdu n Tubirett di Tmurt n Yiqbayliyen. Deg useggas-a n 63 Iqbayliyen yecban Muḥend Ulḥağ, Besɛud Muḥend Aɛrab, Ayt Ḥmed , Ṛeḥmani Ʃebdelqader d baba-s n ucennay amḥaddi n Teqbaylit Ʃmiruc n At Leqser n temnaḍt-a n Tubirett, ffeγen s-amadaγ γer ṭraḍ mgal arbaɛ n wejda i yeglan s wugar n 400 d ameγras d aqbayli, ar ass-a ttwattun.
Ma qelγed γer mas Mennic a d-tnaf d win i d-yufraren gar yiselmaden imenza n tutlayt-neγ yettwagezren deg useggas n 1995 i yettwasnen s yisem n Dda Lmulud At Mɛemmer, yura ddeqs n yimawalen d yidlisen n ulemmud s tutlayt tayemmat, asegzawal, d wungal umi yefka azwel ‘’Tayri d Tezγint‘’, yessufγed ar tura 11 n yidlisen, rnu γer waya d ameγnas n yizerfan n umdan, d anemḥal n teẓrigin Asirem.
Deg taggara, a d-sutreγ smaḥ deg mas Malek ma yella γelḍeγ deg kra γef wayen i d-uriγ fella-s, a d-sesiwiḍeγ azul n tegmat d talwit, nessaram yessujud amaynut, taqbaylit tesra-yas, tesra akk i tarwa-s, ar tufat.

Akli Muhubi
SIWEL 151345 JAN 17