« Ass-a Azekka Lwennas yella yella », « A Lwennas a Lwennas mazalaγ d Imaziγen »… Anta tikli n leqvayel neɣ n Imaziɣen , d 20 yevrir neɣ yennayer, anda ur yessawel ara yal Aqvayli d Umaziɣ s yisem n Lwennas Maεtub ? Anta timlilit n tarbaεt n Jsk i deg ur nesli ara i tezlatin n Lwennas cergent igenni n Tmurt n Leqvayel ?

Efk tiṭ-ik ar yal amkan di Tmurt n Leqvayel, deg ixammen, di tḥuna , deg iceččuyen, deg yexxamen n yelmezyen , deg inurar n tmurt n leqbayel, ɣef tkuryas…atg. Anda i k -yehwa wehhi allen-ik a d-mlilent d twlaft n Lwennas Maεtub.

Efk tamezzuɣ-ik; di yal tawrirt, di yal axxam, di yal aḥriq , di yal abrid ssut n Lwennas d imezgi, yettbaεziq-ed irennu-d afud i wid yettnaɣen ɣef tlelli d yiseɣ. Yessekref ifedden i yat lbatel, d wid i wumi yesvek wallaɣ.

L.M neɣ Lwennas Maεtub sin yisekkilen neɣ sin wawalen reqqmen ɣef Lḥid n tjemmuyaε n Tmurt n Leqvayel, ɣef ljedra n tzemmurt , ɣef ufus n yal ilemzi d tlemẓit neɣ ɣef udɣaɣ.

Anwa Aqγayli neɣ Amaziɣ ur nesseqdec ara imeslayen n Lwennas, di yal ameslay dɣa, ad a k-yini "akken i s -yenna Lwennas deg awali-s…" ? Anwa i d-yennan yemmut Lwennas At Lewnis?!!!
Un poète peut-il mourir ?

Taws At Sid
SIWEL 242207 JAN 17