TAQVAYLIT (SIWEL) — Ass n 14 yunyu, d azamul n tlelli d umennuɣ ɣef tudert n uɣref aqvayli. Amezruy mazal-it d inigi ad d-ismekti ayen yexdem ucengu adzayri deg yiqvayliyen i dyeffɣen am yiwen n umdan ɣer tikli muqqren ass n 14 yunyu 2001 ɣer Ledzayer tamanaɣt akken ad d-wwten mgal wayen yuɣen tamurt n yiqvayliyen akked lbaṭṭel yezraɛ udavu deg wakal-is. Tiririt n ucengu d tin qessiḥen ɣef yiqvayliyen, ulac d acu ur d-suffɣen ara akken kan ad ḥebsen tiɣri n uɣref aqvayli i wakken ur yeṣawaḍ ara ad d-yini ula d awal-is, d ayen i d-glan s tmesvaniyen gar udavu adzayri mgal aɣref aqvayli.
14 yunyu ur yettɣama ara d ass n umezruy kan i usmekti neɣ d ass unuɣni i wayen yeḍran ass-n. Ass 14 yunyu ad yuɣal daɣen d ass n uɣlan aqbayli i yefren umussu n ufraniman MAK akked unavad uɛḍil GPK ad yili d ass aɣelnaw aqvayli i tikkelt tamazwarut deg umezruy n tmurt n yiqvayliyen.
Ilmend n wass aɣlan aqvayli, aṭas n temnaḍin n tmurt n Leqvayel i yefkan azal i wass icban wa s leqdicat yemgarraden akken ad yuɣal d ass umennuɣ, d ass n war tatut i teqvaylit akken ur tt-itett ara nger, sekkud tikti tedder, taqvaylit mazal ad timɣur s yirgazen d tlawin i mazal yeqqes lḥir akken ad tufrar.
ɣas tikli-nneɣ ass-a nteddu akken nufa maççi akken nevɣa, maca tiɣri-nneɣ azekka ɣer zdat ad telḥeq s anda nebɣa, acku kra n tidi ara nefk i umennuɣ, ad tt-id-nsew d tilelli i teqvaylit.
ɣer tagara, amezruy la yettaru, tilelli tettmurud, seg crured ɣer tikli, aqvayli ad d-ibin, tamurt-is ad yidir deg-s d ilelli, aɣlan ad tidir deg-s tugdut.
Fawzi At yexlef,
SIWEL 131219 JUN 16