.AT WASIF (SIWEL) — Deg tikli d unejmuε i d-yellan ass-ayi 03/04/2021 deg Wat Wasif i yessuteren tilelli i yimeɣnasen Lwennas Ḥemzi akked Ǧamal Azεim. Imeɣnasen d yimezdaɣ n tama-ayi d wid i d-yerran tiɣri i tikli, dayen i tt-yeǧǧan ad ddun deg tewnatin igerzen. D acu kan, tamsulta tamhersant teḥbes ameɣnas ABDU FRENDI s yisem-is d ameɣnas n tuqqna tasdwant n tesdawit n Tizi Wezzu iruḥen akken ad yekki deg tikli n wass-a.
Γef waya, ad nger tiɣri imeɣnasen n Teqvaylit ladɣa wid iqerben ɣur-s ad vedden sdat uxxam n temsulta alma serḥen-d i umeɣnas-a.
Adavu amhersan, ɣas ma yekkat s wayen yezmer akken ad d-yessers lḥers ɣef yimeɣnasen n timunent n tmurt Taqvaylit, d acu kan ameɣnas n yiseɣ d win i wumi yeččur uqerruy, yeččur wul-is d levɣi d tfenṭaẓit ɣef umennuɣ n tlelli d tmunent n tmurt Taqvaylit .
Tilelli i Lwennas Ḥemzi d Ǧamal Azεim.
Tudert d tmunent i tmurt Taqvaylit.
SIWEL 031745 AVR 21
