TAMURT TAQVAYLIT (SIWEL) — Tutlayt n tyemmat d tutlayt tamezwarut ara d-yawi ugrud ɣer yimawlan-is d twacult-is, send ad yekcem ɣer uɣervaz. Yettmeslay-itt s shala, war uguren, xas ur yessin ara tajerrumt-is d yilugan-is. D tutlayt i yettmaggaren agrud ɣer tlalit-is neɣ uqvel, acku izga isell-as segmi i yella di tɛebbuḍt n yemma-s.
Ɣef waya, imusnawen qqaren-d dakken tutlayt tamezwarut i ilaq, ad tt-yelmed ugrud, d tutlayt-is n tyemmat, acku yuwi-tt-id yid-s, d ayen ara t-yeǧǧen ad yegzu ayen i yeqqar u ad yelmed s sshala taɣuri d tira, imi tameslayt yessen-i-tt yakan, rnu ur yezmir ara ad yissin tutlayin tiverraniyin ma yella ur yessin ara yakan tutlayt-is n tyemmat.
Nekkni s Leqvayel, tutlayt-nneɣ n tyemmat d taqvaylit, ɣef waya i ilaq, ad nesvedd awanek-nneɣ akken ad tili teqvaylit d tutlayt tamezwarut deg uɣervaz Aqvayli n uzekka.
LARVI YAHIOUN
SIWEL 211145 FEV 21
