TIFRIT  (SIWEL) — Ilmend n wass agreɣlan n tutlayt n tyemmat, Tiddukla Tigemmi n Tefrit, tsujd-d sin isaragen s wazal-nsen, ara xedmen sin n yimeγnasen, imussnawen, i d-yewwin abrid n tezdeg i tutlayt d yidles n Teqbaylit. Wigi d Lɛerbi Yeḥyun s usarag umi yefka azwel

« Tixutret n uselmed-almad n tutlayt tayemmat Taqbaylit ».

Asarag-nniḍen ara yilin daγen ila tixutert ad t-yexdem mas Muḥend Belqasem s usentel

« Ayen ara d-awit tettiknulujiyin timaynutin i Teqbaylit: acuγer i ilaq ad neddu γer web ? »

Timliliyin-a ad ilint deg tzeqqa n Tiddukla Tigemmi, deg taddart n  Tefrit, deg Uqbu. Iɛeggalen d wid i wen yessaramen tirza yelhan.

Akli Muhubi
SIWEL 221144 Feb 17