TAMEDYEZT (SIWEL) — Aṭas n tlawin tiqvayliyin ladγa deg yiseggasen-a ineggura, refden-t imru, sefrawen-t γef lemḥayen d wuguren deg ttidiren-t, s usefru qarent-d ayen i ten-ticeγven, sefsusayent lehmum γef wulawen-nsent, ttarant-d asirem, gar-asent Kenza Ğurğura.
Awal γef Kenza Ğurğura :
Kenza Ğurğura d yiwet n tmeṭṭut i d-fkan yidurar n tmurt n Yiqvayliyen, tlul deg as n 10 di meγres n useggas 1967, deg temnaḍt n At Vu-Yusef (Micli), agedzu n Tizi wezzu, tettdir deg Uqvu. Teγra tafelsafit, deg tsedawit n buzeriɛa n tmurt n lzayer, γas akken tevɛed γef wakal n lejdud-is maca teṭṭef di tmeslayt n yimawlan-is, teḥrez taqvaylit-is.
Kenza yessefrawen γef xilla n yisental, gar-asen: tayri, lḥif, iγevlan, d yiḥulfan n tmeṭṭut, uguren i tettaf deg tmetti, i yeqlen s uɛrur i tlawin i d-yerwen acḥal n yirgazen. Daya id t-yewwin ad tessuffeγ sin n wammuden n tmedyezt γer tezṛigin Aframed, acku tefka-as azal meqqer, terna-as leḥmala. Deg-sen tenna-d ayen tettxemmim d wayen tessarem ad yeḍru.
Kenza tekki am nettat am imedyazn iqvayliyen deg tfaskiwin d temliliyin i d-yettilin sya γer da, yal aseggas deg tmurt. Tga aṭas n temliliyin, d uznuzu s uvudu n wammuden-is ama deg Uqvu, Tizi wezzu, neγ Akfadu, d tamiwin-nniḍen. Akken daγ i tḥemmel ad tsel i waṭas n yinaẓuren n teqvaylit, gar-asen: Meɛtub Lwennas, Talev Taher, Crif Xeddam, Zedek Mulud, Crif Ḥamani, Sliman Ʃazem, d wiyaḍ.
Ammuden i d-tessuffeγ :
– Lbenna n usefru, 2015
– Aru-yi, 2017
Deg tagara, teqqar-as tmedyezt Kenza, seg yiwen n uvruy i d-yeddan deg ammud “Aru-yi, 2017” :
Aru-yi akken ik-yehwa
Sufeγ-iyi di tudert-a
Xas ad ɛiceγ di lkaγeḍ
Aru-yidi tmucuha
D teryel neγ d nuja
D tameṭṭut werğin tesneḍ
Akli Muhubi
SIWEL 152025 Nov 17 UTC
