IDLES (SIWEL) — Mazal leqdicat tkemilen γef usfuggel n wass agreγlan n tutlayt tayemmat, dγa Tiddukla Tadelsant n Sumam, thegga-d i wazekka 24 furar, yiwen n leqdic s wazali-is, tegred tiγri i yal yiwen ad yeḥḍer di temlilit.

Ahil n temlilit ad yebdu γef 10h, s temzikent yemgaraden. Asarag ad yebdu γef 13h, wid ara yekkin deg-s yella umeγnas amaru Racid Ḥiṭuc, amedyaz Ḥasani Mḥemmed, amaru Naṣer Ayt Weɛli, massa Fahima Seddiri, mass Cerrad Ḥusin, amedyaz Mbarek Gemar, akked d mass Naṣer Bendeḥman.

Timlilt ad teḍru deg taddart Iγil Naṣer, taγiwant n Yiγram, (aqbu-bgayet) deg tmurt n Yiqbayliyen, deg uγerbaz amenzu n taddart, s usentel « Tammerwayt n usenṣeb n tutlayt ».

Akli Muhubi
SIWEL 231756 Feb 17