 |
ANAVAD AQVAYLI UΣḌIL GOUVERNEMENT PROVISOIRE KABYLE PROVISIONAL GOVERNMENT OF KABYLIA |
 |
ANEƔLAF N TUTLAYT D YEDLES AQVAYLI |
||
ALƔU
Amennuɣ i wakken ad tidir tutlayt tayemmatt d amennuɣ n yiseɣ di yal amḍiq deg umaḍal.
D amennuɣ n yiseɣ acku, tamezwarut, tutlayin tiyemmatin d tigemmi talsayant, d inagan n umeslay alsayan s umata, imi i d-cergent acḥal n leqrun. Tis snat, akken ibɣu yili, tutlayin tiyemmatin d tajmilt i tyemmatt, acku d nettat i yesseḥvuvren ɣef tutlayt imi i tedder ar ass-a.
D aya i d-yewwin ass-a, makka aqlaɣ nesfugul Ass Agraɣlan n Tutlayt Tayemmatt, nesfugul ula d tayemmatt d tmeṭṭut s umata. Ass-a d asfugel n Teqγaylit; taqγaylit d tutlayt, tameṭṭut, d tayemmatt.
Ass agraɣlan n Tutlayt Tayemmatt tmessl-it-id Tuddsa n Tmura Yedduklen i lmend Usegmi, d Tussna d Yedles (i wumi qqaren UNESCO) deg useggwass 1999. Ssebba-s d tamurt n Bangladec [1]. Ass n 21 si Fuṛar yettwaxtaṛ acku d tajmilt i yneɣmasen d tenɣmasin yennuɣen ɣef tutlayt tayemmatt, yeɣlin d asfel, nɣan-ten idavuyen imesbaṭliyen yenwan ad as-nekksen ula d ilsawen-nsen, acku ma yella tekkseḍ-as tutlayt-is i yiwen, tekkseḍ-as ula d iles-is. Akka i yella lḥal, « [a]ss n 21 si Fuṛar yettwaxtaṛ i lmend n tejmilt i ynelmaden tenɣa temsulta di Dakka (ass-a d tamanaɣt n Bangladic) di tmesvaniyin imi i d-kkren ad wwten ɣef tutlayt-nnsen tayemmatt, Tabangalit, i wakken ad tuɣal d tutlayt taɣelnawt tis snat di tmurt n Pakistan di tallit-nni» [2]
D annect-a i d-yewwin imi ass-a asgufel n wass agraɣlan n tutlayt tayemmatt, d asmekti i tesnuraf n was-a ɣelluy-nsent n uzekka, d asmekti n taẓirt-nsen zdat n ccṛaa n Umezruy.
S yisem-iw, s yisem n Unavaḍ aqvayli uɛḍil, riɣ ad feṛseɣ tagwnitt n wass-a i waken ad erreɣ tajmilt i yal ameɣnas d tal tameɣnast s umata i nɣan neɣ ḥevsen idavuyen-a imesvaṭliyen n iɛerviyen-iseslamiyen, mi ssutren azref i wakken ad tidir tutlayt-nnsen tayemmatt.
Unavaḍ yessaram-awen Ass Agraɣlan ameggaz n Tutlayt Tayemmatt.
Ottawa, ass n 21 si Fuṛar 2017
[1] http://unesdoc.unesco.org/images/0011/001177/117709f.pdf
[2] http://www.un.org/fr/events/motherlanguageday/
Karim Achab,
AneƔlaf n tutlayt d yedles aqvayli
SIWEL 231810 Feb 17