ALΓU (SIWEL) — Taqbaylit mačči d astuqet n lhḍur kan, Taqbaylit d asenfar, d tamurt, d amennuγ, d iseγ. Γef waya anda yella Uqbayli deg umaḍal ilaq fell-as ad yer lwelha γer Tmurt-is yeččan tiyita, tenṭer mačči d kra, berka-t i tmeγriwin n cḍeḥ d uhuzu n wammas, ili-t d iɛeqliyen, mcawar-t gar-awen, ldi-t allen-nwen, seqdec-t tadrimt-nwen I lfayda n Teqbaylit-nwen. d Wagi i d alγu n Riḍa Ʃemrani :
Ass-a, lliγ d inebgi n tsebeddit Takanadit BΓiΓ AD URAR-Γ (fondation canadienne je veux jouer), iyi necden γer yiwet n temlilit anda llan-t waṭas n tdukliwin tigreγlanin, yettilin deg tmurt n Kanada iwaken ad slalen AXXAM AGREΓLAN N WARRAC (la maison internationale des enfants).
Ass-a, walaγ amek xedmen wid yesɛan tadukli, mkul yiwen γer wacu yessaweḍ ixdem-it, aṭas n imedyaten. Tasbeddit takanadit BΓIΓ AD URAR-Γ, tessaweḍ tebna yiwen n le parc di Surya iwarrac. AXXAM N HAYTI (la maison de Haiti ) tessaweḍ tebna 03 n sbitarat. Tasbeddit Iṭelyaniyen (fondation des italiens de canada) tebna aṭas n iγerbazen. Tidukla n twenaḍt n tegzirin n IKARABIYEN (association du l’environnement les îles des Caraïbes) tebna atas n ibarajen n waman.
Ass-a, walaγ tadukli, sani tessaweḍ. Ass-a walaγ wid ixedmen deg unnar, mebla ameslay s waṭas. Yal yiwet deg tdukliwin-agi tesɛa tadrimt meqqren i d-yusan seg texrit n wid yellan d iɛeggalen deg-sen-t.
Allaγ-iw yemekt-ad tidukliwin n Leqbayel i yellan deg lγerba, asteqsi iyi d-yusan, d acu xedmen-t i Teqbaylit ?
Nebḍa am yibawen γef lluḥ. Wa yekkat deg wagi. Neččur d awal. Nγunza tadukli. Nettcuḥu γef Teqbaylit, neγ tamaziγt sumata. Nḥemmel kan cḍeḥ. Urğaγ lukan akk IQBAYLIYEN yellan di lγerba ad dukklen, wad snulfun TASBEDDIT N TEQBAYLIT (la fondation de la Kabylie) ma yella nella di 03 imelyunen, mkul yiwen a d-imudd 1$ neγ 1£ deg useggas, aqlaγ di 03 imelyan n $ neγ £.
D acu i nezmer ad tnexdem s 3 imelyan n $ neγ d £ ?
Ad nebnu iγerbazen. Ad nebnu luzinat. Ad nesnulfu tilizṛiwin. Ad nebnu sbitarat. Ad nesnulfu lbankat, d waṭas n temsal ar ad yilin, ma yella d sseḥ nebγa TAQBAYLIT ad tufrar, d wagi i d-abrid n tidett, d wagi i d-amennuγ yessufughen γer tafat, mačči s wawal ur nesɛi lmeɛna, mači s lbaṭel, mači s regmat ara d-tali TEQBAYLIT.
Tiγri-w ass-a i Yiqbayliyen akk, ad neddukel iwaken ad nner-t asirem i Teqbaylit, eyyaw ad nili-t yiwet n tikelt d sseḥ d agdud imeɛnen. Ma yella mači d abrid-agi ara neḍefar, ala nneger ara d yilin i Teqbaylit.
AFUS DEG UFUS, TAƩKUMT ẒAYEN AD TIFUS. DUṚU DUṚU AD NAWEḌ MYA DUṚU.
Riḍa Amrani (Anaẓur Aqbayli) – Kanada
SIWEL 152326 Mar 17