Buɛlam Messusi, seg tmedyezt γer tsuqilt

TASEKLA  (SIWEL) — Tasuqilt n yidlisen seg tutlayin tiveṛṛaniyen γer teqvaylit tevda tettaγ aẓar. D aḥric ar ad d-yernun afud d tvaγurt i tsekla d tutlayt n tmurt. Ger yedlisen i d-yettwasuqlen iseggasen-a ineggura yella: « Amγar d yillel » n Earnest Hemingway, « Nnvi » n Ğebran Xalil Ğebran, « Tinqisin n la Fontaine » n Jean de La Fontaine, d waṭas n tmucuha tigraγlanin, « Amenṭri » n Guy De Maupassant d waṭas n yeḍriṣen-nniḍen.

Buεlam Messusi ilul deg temnaḍt n At Weɣlis, di tmurt n Yiqvaylien, aseggas n 1951. Send ad yeffeγ tastaγt yella d aselmad n tusnakt. Yevda tamedyazt asmi yella d ilemẓi, yessefra akk γef ayen yettḥulfu, ama d tayri, tamurt, timetti, tajaddit d waṭas n tlufa-nniḍen .

Yefka azal d ameqqran i uḥric n tsuqilt, d aya i t-yewwin ad yer sin n yedlisen i yettwasnen deg umaḍal γer teqvaylit, akka i d-yenna deg yiwen n usarag i yexdem: « sebba i yiwwin γer tsuqilt d lixṣas i yellan deg usizṛeg n udlis aqvayli, yerna iselmaden deg kra n wakud ur sɛan ara iḍrisen s wacu ara  sseγren tameslay-neγ. »

Mas Messusi ula d netta yekki deg aṭas n tfaskiwin d temzizlin i d-yettilin sya γer da ɣef tmedyazt, ama deg uqvu, At Smaɛel, Timizar, Iγrem n Vgayet, d wanda-nniḍen. Akken daγ i yella deg temliliyin-nniḍen d aqerru γef tseqqamutt n yiktazalen. Rnu d aγen yexdem aṭas n yisaragen d temliliyin anda i d-yessegza tikti-s d wamek i ilaq ad tettwaḥrez teqvaylit.

Idlisen i d-yessuffeγ:
– Tinqisin n Jean de la Fontaine (d tasuqilt)
– Kalila d Dimna (d tasuqilt)

Akli Muhubi
SIWEL 151152 Oct 17 UTC

Brisez la censure : Partagez cette information

En Algérie, tous les sites d’information kabyles, y compris Siwel, sont actuellement bloqués

Pour contourner cette censure, nous invitons tous ceux qui lisent cette note à partager l’information avec les Kabyles vivant en Kabylie ou en Algérie. Encouragez-les à installer un VPN ou à utiliser un navigateur sécurisé comme TOR. Ces outils, faciles à installer en quelques minutes, leur permettront de retrouver l’accès à des dizaines de sites bloqués et de rester informés.

Votre contribution à diffuser cette information peut faire toute la différence. Merci pour votre soutien !