VGAYET (Siwel) — Sin yimeɣnasen isdawanen n tseddawit n Vgayet Ferḥat Leεgav akked uselway iεeddan n tuqqna tasdawant  Massinisa Bacir, ceyεen-asen-d imsultiyen akken vedden deg uxxam n temsulta tamhersant tazzayrit i ussan i d-iteddun.

Taluft-ayi, teqqen ɣer wayen i d-yeḍran ussan iεeddan di tseddawit n Vgayet segmi llan inejemεen n yiveddi ɣer tama n Ḥemcac Riyaḍ di Terga Uzemmur d Ubudaw. Inelmaden, anda yella Ferḥat akked Bacir Ɛelqen Abundrul d wanay aqvayli deg uɣaram n Terga Uzemmur. Anemhal n uɣaram-a iceyyeε iqeddacen-is akken ad kksen anay d ubundrul iεelqen inelmaden;  Massinisa Bacir, deg uvrid-is tasevḥit n wass ɣer unejmuε, yufa-ten akken din.  yugi-asen yerna iḥves-iten akken ur ten-ttekksen ara. Rnu ɣef waya, anemhal n uɣaram n Terga Uzemmur yekkes tikerḍiwin (les cartes étudiants) i yinelmaden degmi εelqen anay d ubundrul s daxel uɣaram. 

Ad nessiwel i yimeɣnasen d yinelmaden n tseddawit akken ad vedden ɣer yidis imeɣnasen-a i wumi i d-tceyyeε temsulta, akken daɣen i yezmer ad yili usṭixer n yinelmaden nniḍen deg uɣaram-nsen.

Am@sin
SIWEL 081500 JAN 21