TICCI (SIWEL) — Iḍelli sed 21 meɣres 2021, mass Larbi Yahioun yella d inevgi n lqahwa, taseklant Asaki n Ticci deg Bakaru, anda i iga asarag ɣef usentel « Tutlayt taqvaylit seg tmawit ar tiknulujit ».

Deg teɣzi n usarag yemmeslay-d amek almi teqqim teqvaylit d tutlayt yeddren xas akka tezger-d leqrun ur teţwaru ara. Yemmeslay-d ɣef wid i tt-yuran di tazwara ama d iverraniyen, ama d imawlan-is , ama d tasekla neɣ d tussna. Yevder-d aḥric n tsuqilt d yimawalen/ idlisen ussnanen yellan ar ass-a. Sakkin yezger ɣer tetiknulujit anda i d-ivder akk ayen yeţwaxedmen deg umaḍal umḍin ar ass-a. Anda yerra tajmilt i ugraw iqeddcen ɣef wannect-a aveεda Muḥend Belqasem akked Sliman Amiri.

Asarag yekfa s uskasi akked uznaz s uvuddu n udlis-is i d-yeffɣen ussan-a « Taqvaylit iles d yidles (taẓrigt 2) » yennernan (170 isevtar).

Leɛrvi Yeḥiyun
SIWEL 211815 MAR 21